Gedanken gläuh in helle Ess',
Doch sünd sei rein von Slack und Slir,
Dann fat din Wart mit Tangen an, —
Hol wist 7), holl miß, min Sühn Iehann! —
Un smäd din Wart in frischen Fü'r.
Um hest du dörch die Welt die slagen,
Und hett di't buten nich gefoll'n,
Denn kannst bi mi mal Umschau holl'n
Und kannst na Arbeit wedder fragen.
Süh so, mi Sahn! Un nu adjü!
Und denk an Muttern un an mi!
Un nu, min Sahn, herun den Haut!"
Un leggt de Hand em up den Kopp:
,,Noch büst du gaud, nu bliew ok gaud!"
Un langt den Hammer ut de Eck:
,,So, nu man tau! nu, Jung, nu treck!"8)
Iehann un Mutter gähn herut. —
„Treck büller9), Jung!" seggt Meister Snut,
Un sweitzt und smäd't, de Funken flogen
Em in't Gesicht un in de Ogen,
Dat hei sei, wenn't de Jung nich süht,
Sik ut de Ogen wischen müßt.
„Na," seggt hei, „orndlich narschen^o) is't,
üßo11) dumm un dämlich spritzt dat hüt."
7) halt fest. 8) ziehe. 9) toller, rascher. 10) närrisch. 1X) wie.