80 
IV. Neuhochdeutsche Zeit. A. Zeitalter der Reformation. 
53. Sankt Peter mit -en Landsknechten. (Urtext.) 
Neun armer Landsknecht zogen auß 
Vnd gürteten von hauß zu hauß, 
Dieweil kein Krieg im Lande was. 
Eins morgens, da trug sie jr straß 
5 Hinauff biß für das Himel Thor, 
Da klopffteu sie auch an daruor, 
Wollen auch in dem Himel garten. 
Sanct Peter thet der Pforten warten; 
Als er die Landsknecht daruor fach, 
10 Wie bald er zu dem Herren sprach: 
„Herr, dransfen steht ein arme rott, 
Laß sie herein, es thut jn not; 
Sie wollen geren hinnen garten." 
Der Herr sprach: „Laß sie lenger 
warten!" 
15 Als nun die Landsknecht musten harren, 
Fiengens an, zu fluchen vnd scharren: 
Marter, Leiden vnd Sakrament. 
Sanct Peter diser flüch nit kendt, 
Meint, sie redten von geistling dingen, 
20 Gedacht in Himel sie zu bringen 
Vnd sprach: „O lieber Herre mein, 
Ich bitte dich, laß sie herein, 
Nie frümmer Leuth hab ich gesehen!" 
Da thet der Herr hinwider sehen: 
25 „O Petre, du kenst jr nit recht; 
Ich sich wol, das es sind Landsknecht, 
Sollen wol mit mntwilling fachen 
Den Himel vns zu enge machen." 
Sanct Peter, der bat aber mehr: 
30 „Herr, laß sie herein durch dein 
ehr!" 
Der Herr sprach: „Du magst lassen 
rein! 
Du mußt mit jn behängen sein; 
Schaw, wie dus wiederbringst hinauß!" 
Sanct Peter war fro vberauß 
35 Vnd ließ die frommen Landsknecht 
ein. 
Bald sie in Himel kamen nein, 
Gartens herumb bey aller Welt; 
Vnd bald sie zsam brachten das Gelt, 
Knockten sie zsamen auffein plan 
Vnd fiengen zu vmbschantzen an, 40 
Vnd eh ein vierteil stund vergieng, 
Ein Hader sich bei jn anfieng 
Von wegen einer vmbeschantz; 
So wurden sie entrüstet gantz, 
Zuckten von leder sie allsamen 45 
Vnd hawten da mit krefften zsamen, 
Jagten einander hin vnd Wider 
Jn dem Himel da auf vnd nider. 
Sanct Peter disen strauß vernumb, 
Kam, zand die Landsknecht an darumb, 50 
Sprach: „Woll jr in dem Himel 
palgen, 
Hebt euch hinauß an den liechten Gal¬ 
gen !" 
Die Landsknecht jn dückisch ansahen 
Bnd theten aufs Sanct Peter schlahen, 
Das jn Sanct Peter must entlauffen; 55 
Zum Herrn kam mit ächtzn vnd schnaufen 
Vnd klagt jm vber die Landsknecht. 
Der Herr sprach: „Dir gschicht nit 
vnrecht; 
Hab ich dir nit gesaget heut, 
Laß sie drauß, es sind freche Leut!" 60 
Sanct Peter sprach: „O Herr, der 
ding 
Verstund ich nit; hilff, das ichs bring 
Hinauß; soll mir ein Warnung sein, 
Das ich kein Landsknecht laß herein, 
Weil sie sind so mutwillig Leuth!" 65 
Der Herr sprach: „Eim Engel gebeut, 
Das er ein Trummel nemb zuhand 
Vnd für deß Himels Pforten stand 
Vnd einen Lerman daruor schlag!" 
Sanct Peter thet nach seiner sag. 70 
Bald der Engel den Lerman schlug, 
Lossen die Landsknecht on Verzug 
Eylend auß durch das Himelthor, 
Meinten ein Lerman wer daruor.