153 
Dô sprach der herre Sivrit: ‘wunder mich des hat, 
sit man uns von der buchen gît sô manigen rät, 
durch wa;70) uns die schenken bringen niht den win: 
man enpflege ha; der jägere, ine will niht jagtgeselle sin. 
‘Ich hête wol gedienet,71) da; man min næme war.’ 
der künic ob dem tische sprach in valsche dar : 
‘man soi; iu gerne büe;en, swes wir gebresten72) hän; 
wir sin von Hagene schulde hiut âne trinken bestän.’7*) 
Dô sprach der von Tronege : ‘vil lieber herre min, 
ich wände, da; diz pirsen hiute solde sin 
dä zem Spehtesharte :74) den wîn den sande ich dar. 
sin wir hie ungetrunken, wie wol ich; immer mer 75) bewar !' 76) 
Dô sprach der herre Sivrit: ‘ir lip der habe undanc!77) 
man solde mir siben soume wîn und lütertranc78) 
haben her gefüeret; dô des niht mohte sin, 
dô solde man uns naher hän gesidelt an den Rin.’ 
Dô sprach aber79) Hagene : ‘ir edelen ritter balt, 
ich wei; hie vil nähen einen brunnen, der ist kalt; 
da; ir niht enzürnet, dä suln wir hine gän.’ 
der rät wart manigem degene ze gro;en sorgen getän. 
Den heit von Niderlanden dwanc des durstes not; 
den tisch er deste ziter rucken dan geböt: 
er wolde für die berge zuo dem brunnen gän. 
dô was der rat mit meine80) von den degenen getän. 
Diu tier man hie; uf wägenen füeren in da; laut, 
diu dä verhouwen bete diu Sivrides hant ; 
man jah81) im grô;er êren, swer e; ie gesach. 
Günther sine triuwe vaste an Sivride brach. 
Dô si dannen weiden zuo der linden breit, 
dô sprach aber79) Hagene: ‘mir ist dicke82) da; geseit, 
da; niht gevolgen künne dem Kriemhilde man, 
swenn er wolde gäben88) ; hei, wold er uns da; sehen län!’ 
Dô sprach von Niderlanden der herre Sivrit: 
‘ir mugt e; wol versuochen, weit ir mir loufen mit 
ze wette zuo dem brunnen. sô da; si getän, 
der sol hän gewonnen, den man siht ze vorderst stau.' 
‘Nu welle euch wir; versuochen,’ sprach Hagene der degen. 
dô sprach der starke Sivrit: ‘sô wil ich mich legen 
für die iuwern füe;e nider an da; gras,’ 
dô Günther da; gehörte, hei, wie lieb im da; was ! 
Dô sprach der degen küene : ‘ich wil iu mère sagen: 
alle; min gewæte wil ich an mir tragen, 
den gêr zuo dem schilte und al min pirsgewant.’ 
den kocher zuo dem swerte vil schier er umbe gebaut. 
70) weshalb. 71) verdienet. 72) mangel. 73) geblieben. 74) Spessart. 75) künf¬ 
tighin. 76) vermeide. 77) sie seien verwünscht! 78) gewürzter wein. 79) wiederum. 
80) falschheit. 81) v. jehen- zusprechen. 82) häufig. 83) eilen.