172 OQNONNO 
Sebastian Brant 
Got redt das vß der worheit sin: 
Wer hie sünd büt, der lidt dort pin, 
Wer hie sin tag zü wißheit kert, 
Der Wirt in ewikeit geert. 
Gott hat geschaffen, das ist wor, 
Das säh das oug vnd hörr das or. 
Dor vmb ist der blindt vnd ertonbt, 
Der nit hört wißheit vnd ir gloubt, 
Oder hört gern nuw mar vnd 
sag. 30 
Ich vörcht, es kumen bald die tag, 
Das man me nuwer mär werd inn, 
Dann vns gefall vnd sig zü sinn. 
Jheremias der schrei vnd lert 
Vnd wart von nieman doch gehört, 
Des glichen ander wisen me, 
Des ging harnoch vil plag vnd we. 
4. 
Von narren hab ich vß gefeit, 
Do mit man doch wiß recht bescheidt, 
Wer witzig si, gantz vmb vnd vmb, 
Der läß min fründ Virgilium. 
ver wis man. 
Ein gut vernunfftig, witzig man, 
Deß glich man nit möcht einen Han 
In aller weit, als Socrates — 
Appollo gab im knntschafft des — 
Der selb sin eigen richter ist. 
Wo im abgang vnd wißheit 
gbrist, io 
Versucht er vff eim näglin sich. 
Er acht nit, was der adel spricht, 
Oder des gemeinen volcks geschrei, 
Er ist rotnnd gantz wie ein ei, 
Do mit kein frömbder mackel blib, 
Der sich vff glattem weg anrib, 
Wie lang der tag im krebs sich 
streckt, 
Wie lang die naht den Steinbock 
deckt, 
So gdenckt er vnd wigt eben vß, 
Das in kein winckel inn sim hnß 20 
Betrüb oder er red ein wort, 
Das nit glich wäg vff alle ort, 
Do mit nit fäl das winckel mäß, 
Jo väst sig, wes er sich vermäß, 
Sünder all anloitff mit der handt 
Versetz vnd bald hab abgewandt. 
So ist im nit so lieb dhein schloff, 
Das er nit gdenck ver vnd sich 
stroff, 
Was er den langen tag hab gthon, 
Wo übersehen er sich mag Han, 30 
Was er bi zit solt Han betraht, 
Vnd das zü vnzit hab volbracht, 
War vmb vollendt er hab diß fach 
On zimlicheit vnd all vrsach, 
Vnd er vil zit vnnütz vertrib, 
War vmb er vff dem anschlag blib, 
Den er wol möcht verbessert Han, 
Vnd nit den armen gsehen an, 
War vmb er in sim gmüt hatt vil 
Entpfnnden schmertz vnd wider 
will, 40 
Vnd war vmb er diß hab gethon 
Vnd hab jhens vnderwegen gelon, 
War vmb er sig so offt geletzt 
Vnd hab den nutz für ere gesetzt 
33 sig zü sinn, nach unserem Sinne sei. 34 schrei, schrie. — 4 Virgi¬ 
lium, nämlich das ihm damals noch zugeschriebene Gedicht Vir donus. 11 vff 
eim naglin, auf das genaueste, vgl. Nagelprobe. 14 rotund, rund. 17 krebs, 
Sternbild. 22 glich wäg vff alle ort, auf allen Seiten gleich schwer sei, 
durchaus billig und gerecht. 20 Versetz, abwehre.