390 
9 
— — 
Der tumbe in zorne richet 
der wĩse sich besprichet. 
Swer wazzer in den sẽ treit, 
deist verlorn arebeit. 
Bĩ rede erkenne ich fõren, 
den esel bĩ den õren. 
Swer in dem sacke koufet 
und sich mit fören roufet 
und borget ungewisser diet, 
der singet dicke klageliet. 
Hõchvart twinget kurzen man, 
daz er muoz ũf den zehen gãn. 
Swer eine kleine diube tuot, 
der staele ouch lihte ein groezer guot. 
Liegen, triegen ist ein pfluoc, 
der hat ackerliute genuoc. 
Swie man ze walde rüefet, 
daz selbe er wider güefet. 
Der hunger ist der beste koch, 
der ie wart oder wirdet noch. 
Des jungen lop sich mẽret, 
so er den alten ẽret. 
Diu gãbe ist zweier gãben wert, 
der schiere gĩt, ẽ man ir gert.