Sondern auch Gott viel bas gefeit
den alle Freud der gantzen Welt,
i5 Dem Teuffel sie sein Werk zerstört
vnd verhindert viel böser Mord.
Das zeugt Dauid des Könges that,
der dem Saul offt geweret hat
Mit gutem süssen Harffenspiel,
20 das er in grossen Mord nicht fiel.
Zum Göttlichen wort vn warheit,
macht sie das Hertz still vn bereit,
Solchs hat Eliseus bekand,
da er de Geist durchs harffen fand.
25 Die beste zeit im jar ist mein,
da singen alle Vögelein,
Himel vnd Erden ist der vol,
viel gut Gesang da lautet wol.
Voran die lielre Nachtigal
macht alles frölich vberal
Mit jrem lieblichem Gesang,
des mus sie haben jmer dnnck.
Viel mehr der liebe HErre Gott,
der sie also geschaffen hat
Zu seyn die rechte Sengerin,
der Musicen ein Meisterin.
Dem singt vnd springt sie tag vnd nacht,
seins Lobes sie nichts müde macht:
Den ehrt vnd lobt auch mein Gesang
vnd sagt jm ein ewigen Danck.
1. Das Lied S. Joannis Hus gebessert.
Jhesus Christus, vnser heylandt,
der von vns den tzorn Gottes wand,
Durch das bitter leyden seyn
halff er vns aus der helle peyn.
5 Das wir nymmer des vergessen,
gab er vns seyn leib zu essen.
Verborgen ym brott so klein,
vnnd zu trinken seyn blut ym weyn.
Wer sych zu dem tisch wil machen,
io der hab woll acht auff sein sachen:
Wer vnwirdig hie zu geht,
für das leben den todt empfeht.
Du solt Got den vatter preysen,
das er dich so wol wolt speysen,
i5 Vnd für deine Missethat
. yn den todt seyn Son geben hatt.
Du solt glewben vnd nicht wancken
das eyn speyse sey der krancke.
Den yr Hertz von fünde schweer
20 vnd für angst ist betrübet seer.
Solch gros gnad vnd barmhertzigkeit
sucht eyn Hertz yn grosser erbeit:
Ist dir wol, so bleib daruon,
das du nicht krygest bösen lohn.
Er spricht selber Tomt, yhr armen!
Last mich über euch erbarmen.
Keynn artzt ist dem starcken nott,
seyn kunst wirt an yhm gar eyn spot.
Hettestu dyr was kund erwerben,
was durfft da ich für dich sterben?
Dyser tisch auch dir nicht gyllt,
so du selber dir helffen wilt.'
Gleubstu das von hertzen gründe
vnnd bekennest mit dem munde.
So bistu recht wol geschickt
vn die speyse deyn seel erquickt.
Die frucht sol auch nicht aus bleiben:
Deyne nechste soltu lieben,
das er dein geniesten kä,
wie dein got an dir gethan.
2. Der cxxiiij. Psalm, Nisi quia dominus rc.
WEr Gott nicht mit vns dise zeyt. Wer Gott nicht mit vns dise zeyt,
so sol Israel sagen, wyr chetten must verzagen.