3° 
3e 
des edelen gesteines: der schilt vil gar zebrast. 
sich héte gerne errochen der vil hérliche gast. 
230 Hagene muose vallen von siner hant zetal. 
von des slages krefte der wert vil lite erhal. 
hét er daz swert enhende só wér ez Hagene tôt: 
sÓ0 sére zurnte der wunde: des gie im wérlichen nót. 
231 Sin kraft was im geswichen, ern kunde niht gestán 
sines libes sterke diu muose gar zergán, 
wand er des tódes zeichen bi liehter varwe truoc. 
sit wart er beweinet von schénen vrouwen genuoc. 
232  Dó viel in die bluomen der Kriemhilde man: 
daz bluot von sinen wunden sach man vaste gán. 
dó begunder schelten -des twanc in michel nót- 
die Of in gerâten heten den ungetriuwen tot. 
233 DO sprach der sére wunde 44, ir vil b&se zagen, 
waz hilfet mich min dienest, daz ir mich habt erslagen? 
ich was iu ie getriuwe: des ich engolten han. 
ir habt an iuwern mâgen leider übele getán. 
234 Die sint dá von bescholten, swaz ir wirt geborn, 
her nich disen ziten. jà habt ir iuwern zorn 
vil übele gerochen an dem libe min: 
mit laster ir gescheiden sult von guoten recken sin. 
235 Die lüte liefen alle dá er erslagen lac. 
ez was ir genuogen ein freudelóser tac: 
die iht triuwe héten von den wart er bekleit. 
daz hét wol gedienet der ritter küene unt gemeit. 
236 Der kiinec von Burgonden klagete sinen tôt. 
dó sprach der verchwunde ‘daz ist âne nôt, 
daz der nich schaden weinet, der in dä hät getän. 
der dienet michel schelten: ez were bezzer verlan. 
237 Do sprach der grimme Hagene ‘ane weiz ich waz ir kleit, 
ez hát nu allez ende unser sorge unt unser leit: 
wir vinden ir vil kleine, die türren uns bestán. 
wol mich deich siner hérschaft hän ze rite getàn. 
(I. 996—934.) 
289, 4 ungetriuwen tót, Tod durch Untreue, durch Verrat. — 239, 8 triuwe, 
Gen.; bekleit = beklaget. — 236, 4 ez das Weinen. — 237, l ir Gunther. — 
9 allez Adv., für immer, Gr. § 29, 2.