328
das Lannd in Unaynigkait ist gewessen. Das hat dem Lannd
Kernndten und den Punthern selbs den Schaden pracht, als
man hye vernemen wirdet. An dem Suntag nach Sannd Ja-
cobs Tag des Zwelffboten!°5) inn dem LXXVIII Jar chomen
die Turckhen ainen fremden!®%) Weg durch den Flitsch 197)
untz an das Predt!°®) und klaine Terves!°%) und an dy
Koka.!!°) do warn dye Pundtlewt in ainer Pesammung als
mit dreyn tawsent Mannan,!!l) und wolten da der Turckhen
warten und mit In vechten, des sy doch nicht wol kunden;
und warn pas!!?) dahaym beliben, dann was ir Ubermuet
tett.*!®) Und hyetten gern ayn Raym!!t) gehabt, das sy ires
Pundts dester mer gelymfften!!5) hyetten, wie sy das Lanndt
vor den Turckhen retten und nicht die Herrn; ‘und war in
Ir Furnemen gelungen, so hyettn sy sich wider all Herrn,
geystlich und weltlich, gesetzt, und sew unterdruckhen und
vertreyben wellen, als darnach, als ire Pundtmaister und
Ibrist gevangen wurden, ausfundig worden ist das und
ander ir Untrew, als hernach geschryben stett.
Und als Ir vor vernomen habt, das eyn!l®) drew tausent
an der Kocka in ainer Besammung pey eynnander wuerden,
der Obrist was genannt Mathiasch. Am Sambstug, als!!7)
dye Turckhen am Suntag zw In kamen, da wurden an der
Sambstag Nacht von den dreyn tawsent sechs und zwayntzig
hundert fluchtig, und beliben nicht mer dann vierhundert.
Dieselben vierhundert schryben und schickten zw iren Pundt-
genossen zu der Tra und ander Enndt umb Hilf. Do chamen
nicht mehr zw In dan bey LXX Ertzknappen und pey XXX
und hundert Pawren. Dye anndern all mit!l®) den fluchtigen
vergassen da des schwaren Aydes, den sew auff das plass
Swert gesworen hetten, sy vergassen auch alles verpuntn
und Pruederschaft; da wurden sy zw dem andermall erloss
und trewloss, und fluhen erst zw Stetten und Geschlossern,
die sy vor vermainten zu zeprechen.!!®*) Am Suntag kamen
lie Turckhen an die Koka. Do warn der Pundtlewdt pey
sechs hundert, dy warten der Turckhen daselbs auff ainer
105) Apostel. 106) Ungewöhnlich. 107) Ein Seitenthal des oberen Isonzo.
L08) Predil. 109) Tarvis. 110) Der Goggabach (aus dem Goggasee bei Steuer-
Derg). 111) Männern. 112) Wären besser, 113) Als das zu thun, was sie im
Übermuth unternahmen. 1!14) Reim, Spruch d, h. den Ruhm. 115) Glimpf, Ehre.
116) Ungefähr. 117) Bevor. 118) Sammt. 119) Zerstören.