Untergang des Vrdensstaates
13
vorsamlinge vele tho klein, Derhalven se in den Steden unde groten
Flecken, dar grote Gildehüser tho solcken Kosten gebuwet weren,
allewege ere Köste geholden hebben, Des hebben se sick nicht an
einer Stadt Trometen unde Spellüden genögen laten, besondern des
Landesförsten Heertrummen unde anderer Stede Trommeters mit dartho
bestellet, Unde als nu de Brut unde Brüdigam sampt eren geladenen
Gesten alle angekamen weren, Do hefft men den Sünnavendt thovorn
der gantzen vorsammlinge ein stadtlick Pancket und Avendtmal be-
reydet, Vor dem Aventmal averst ys de gantze Vorsammlinge in twen
Hupen, de eine Hupe van wegen des Brüdigams, unde de ander van
wegen der Brudt averuth stadtlick und prechtich ynt Feldt gereden,
dar de grote unde schwäre Hengeste unde frissche Gülen, mit gülden
Keden unde Plumatien unde anderem Geschmücke getzieret, under
en hüppen unde dantzen müsten, der ein allein aver negen Laste Roggen
gekostet hefft unde tho keinem Handel anderst alse tho solckem Prale
nütte was, Unde alse se thosamende ynt Feldt quemen, hefft ein Ol¬
deste vam Adel eine Oration gedan unde dem gantzen hupen hoges
unde nedderigen Standes gedancket, dat se Brüdigam unde der Brudt
thon ehren ersehenen weren, unde darneven fründtlick gebeden, dat
se densülvigen Christlicken Högen in allen frewden endigen wolden,
Unde so yemandt mit einem wor (etwa) einen olden Haadt (Haß) edder
wrock (Rache) hadde, dat er des hyr nicht gedencken wolde, Wol nu
solckes tho donde bedacht were, de scholde de Handt upheven unde
solckes anlaven, Dar hebben se do alle de hende upgehaven unde
angelavet, unde so lange geholden, beth dat dat Beer in den Mann
quam. Darna sint se wedder in de Stadt gerücket mit Heertrummen
unde Trummeten, mit grotem schetende unde moyerende (lärmen),
alse hedden se eine geweldige Schlachtinge edder Festinge gewunnen,
Unde alse se in de stadt wedder quemen, muszten se dorch de gantze
Stadt unde den Gildestaven twe mal hen unde her vorby ryden, dar
de Brudt mit dem gantzen Frouwentimmer mit Perlen, Golde unde
vorgüldem Geschmyde sampt einer hogen Krone so getzieret was,
dat se van wegen solcker schwären last kume up eren vöten stahn
künde, unde de Hüters van dem hogen Gildestaven Sülle (Söller) an-
schuwen muste. Lestlick hebben sick de beyden Hupen thotrennet,
und darna dörch de gantze Stadt in allen gatzen mit sprengende unde
rennende ere Ridderschop bewyset. Darna hefft sick ein yeglicker in
syne Herberge begeven, syne Stefeln unde Sparen affgelecht, unde
sick up de Gildestaven vorföget, unde dar beth in de Middernacht
sick guder dinge gemacket. Volgendes Sondages hefft man den Brü¬
digam unde de Brut mit Heertrummrn unde Trommeten, unde mit
groten Kertzen und Tartitzen (Fackeln) gar stadtlick unde prechtich
thor Kercken geleydet, dar de Organisten unde Cantores nicht ane
