Y Kudrun.
97
1 'Da? sol ich gerne leisten, vil liebiu frouwo min.’
lüte ruoft dö Herwic zuo den recken sin
'nu bringet miniu Zeichen Waten hin engegene.'
dö sach man sere dringen Herwige unt alle sine degene.
2 Ein herter frouwen dienest wart von im getan.
Herwic ruoft’ dö lüte den alden Waten an.
er sprach 'Wate, lieber friunt, gunnet daz; man scheide
disen strit vil swinden; des bitent iucli die minnicliche meide."
3 Wate-sprach mit zorne 'her Herwic, nu get hin!
solt’ ich frouwen volgen, war taete ich minen sin?
solde ich sparn die vinde, da? taete ich üf mich selben.
des volge ich iu nimmer. Hartmuot muo? siner frevele engelden.'
4 Durch Kütrünen liebe zuo in beiden spranc
Herwic der küene. der swerte vil erklanc.
Wate was erzürnet; er künde daz; wol leiden,
da? in strite niemen in von sinen vinden torste scheiden.
5 Dö sluoc er Herwige einen tiuren slac,
der da wolde scheiden, da? er vor im lac.
dar Sprüngen sine recken unt hülfen im von dannen,
genomen wart dö Hartmuot vor Herwige unt vor allen sinen
mannen.
XXIX AVENTIUBE
WIE HARTMUOT GEVANGEN WART.
6 Wate tobete sere; dö gieng er für den sal
gegen der porten höher. manigen enden schal
hörte man von weinen unt von swerte klingen.
Hartmuot was gevangen. dö muoste ouch sinen helden misselingen.
7 Dö vienc man bi dem kiinige ahzic ritter guot.
die andern sluoc man alle. dö wart Hartmuot
ùf ir schif gefüeret unt beslo??en sêre.
e? höte noch niht ende; sie muosten liden arbeit dannoch mère.
8 Swie dicke man sie schiede von der bürge dan
mit würfen unt mit schü??en, Wate doch gewan
die burc mit grimmen stürmen. sit wurden üf gehouwen
die rigele ü? der mûre. da? beweinden dö die schœnen frouwen.
9 Hörant von Tenemarke da? Hilden Zeichen truoc.
im volgte vil der recken (der hêt er da genuoc)
für einen palas witen üf den turn aller besten,
den die Hegelinge in der bürge inder da westen. —
3,3 üf mich selben, zu meinem eigenen Schaden. — 6,2 gegen der porten
hoher: auf die hohe Pforte zu.
Schauenburg u. Hoche, Lesebuch I. 7. Aufl.
7