15 
durch striten her ze Eine, er soldez haben län; 
im heten mine herren solcher leide niht getan.’ 
121. Des antwurte Sifrit, der kreftige man: 
‘müet iuch daz, her Hagne, daz ich gesprochen hän, 
so sol ich lazen kiesen, daz die hende min 
wellent yil gewaltic hie zen Burgonden sin.’ 
122. ‘Daz sol ich eine wenden,’ sprach aber Gernöt. 
allen sinen degnen reden er verbot 
iht mit übermüete, des im waere leit. 
do gedahte ouch Sifrit an die vil herlichen meit. 
125. ‘Ir sult uns wesen willekomen,’ so sprach daz Uoten kint, 
‘mit iuwern hergesellen, die mit iu körnen sint. 
wir sulen iu gerne dienen, ich und die rnage min.' 
do hiez man den gesten schenken den Guntheres win. 
126. Do sprach der wirt des landes: ‘allez, daz wir han, 
geruochet irs nach eren, daz si in undertän 
und si mit iu geteilet, lip unde guot.’ 
do wart der herre Sifrit ein lützel sanfter gemuot. 
127. Do hiez man in behalten allez ir gewant. 
die besten herberge man gap, die man vant, 
Sifrides knehten; man schuof in guot gemach. 
den gast man sit vil gerne zuo den Burgunden sach. 
129. Sich flizzen kurzewile die ktinege und ouch ir man. 
so was er ie der beste, swes man da began; 
des en künde gevolgen nieman (so michel was sin kraft) 
so si den stein würfen oder schuzzen den schaff. 
132. Swenne üfme hove wolden spilen da diu kint, 
riter unde knehte, das sach vil dicke sint 
Kriemhilt durch diu venster, diu küniginne her; 
deheiner kurzwile bedorfte si in den ziten mer. 
133. Wester, daz si in saehe, die er in herzen truoc, 
da het er kurzwile immer von genuoc. 
sashen si sin ougen, ich wil wol wizen daz, 
daz im in dirre werlde nimmer künde werden baz. ^ 
135. Er gedaht ouch manege zite: ‘wie sol daz geschehen, 
daz ich die maget edele mit ougen müge sehen, 
die ich von herzen minne und lange hän getan? 
diu ist mir noch vil fremde; des muoz ich truric gestan. 
137. Sus wond er bi den herren (daz ist alwär) 
in Guntheres lande volleelich ein jär,