19 
189. Er wolt in füeren dannen do wart er an gerant 
von drizec sinen mannen, do werte des heldes hant 
sinen riehen gisel mit ungefüegen siegen. 
sit tet schaden mere der vil zierliche degen. 
190. Die drizec er ze töde vil werlichen slnoc. 
er liez ir leben einen j balde er reit genuoc 
und sagte hin diu magre, waz hie was geschehen. 
ouch mohte mans die warheit an sime roten helmen sehen. 
191. Den von Tenemarke was vil grimme leit, 
ir herre was gevangen, do in daz wart geseit. 
man sagte ez sinem bruoder; toben er began 
von ungefiiegem zorne, wan im leide was getan. 
192. Liudgast der recke was gefüeret dan 
von Sifrides gewalte zuo Guntheres man. 
er bevalch in Hagnen. do in daz wart geseit, 
daz er der künic wsere, do was in moezlichen leit. 
193. Man hiez den Burgonden ir vanen binden an. 
‘wol üf!’ sprach Sifrit, ‘hie wirt mer getan, 
e sich der tac verende, sol ich haben den lip. 
daz gemüet in Sahsen vil manic wsetlichez wip.’ 
196. Si fuorten doch niht mere niuwan tusent man, 
dar über zwelf recken, stieben do began 
diu molte von den strazen; si riten über lant. 
do sach man von in schinen vil manegen herlichen rant. 
197. Nu wären ouch die Sahsen mit ir scharn körnen, 
mit swerten wol gewahsen; daz hän ich sit vernomen. 
diu swert diu sniten sere den helden an der hant. 
do wolden si den gesten weren bürge unde lant. 
201. Die von Tenemarke versuohten wol ir hant. 
man horte von hurte erdiezen manegen rant, 
und ouch von scharpfen swerten, der man da vil gesluoc. 
die stritküenen Sahsen täten schaden dä genuoc. 
202. Do die von Burgonden drungen in den strit, 
von in wart erhouwen manic wunde wit* 
do sach man über satele fliezen daz bluot. 
sus würben nach den eren die helde küene unde guot. 
203. Man hört dä lute erhellen den helden an der hant 
diu vil scharpfen wäfen, do die von Niderlant 
drungen näch ir berren in die herten schar; 
si körnen degenliche mit samt Sifride dar.