Murner 
75 
45 Auch hat den babst in gottes namen, 
Darzü die menschen allesamen. 
Die bei dem babst auch wollen ston. 
In Ungnaden gottes gethon. 
So nun der keiser bei im stat 
5» Vnd den babst beschirmpt hat. 
So darff er in auch greiffen an 
Mit seinem zorn vnd seinem ban. 
Darumb ist er ein dapffer Han 
Vnd ist vnß ein guter hauptman. 
55 Warumb wolt er nit hauptman sein. 
So er darff greiffen in bart hinein 
Vnd hat ab thon die sacrament. 
Damit der babst unß hat gebient ? 
Wan got im nit entrunnen wer, 
eo In himel gestigen also ser, 
Er het in selber griffen an. 
Der grim zinck vnd dapffer man. 
2. Das ewangelisch baner. 
(2380) DAs ander baner, das sie tragen, 
Da muß ich fieren bitter klagen, 
Het in vff erd kein mensch empfolhen. 
Sie hons der cristen gemein gestolen. 
5 Die heilig gemeine cristenheit 
Hat unß vff erd allein geseit 
Vnd gelernet ire kint. 
Welches die ewangelien sint. 
Ja, man ir keins beschriben wer, 
io So blib dannocht cristus ler 
In lebndigen büchern beschriben 
Vnd wer in vnsern hertzen bliben. 
Des sie vnß felschlich wöln berauben, 
Der cristlich gemeinen nit glauben, 
ir Der iederman glaubet baß. 
Da noch kein ewangelium was 
Beschriben von den ewangelisten, 
Glaubten doch die gemeinen cristen. 
Was sie die botten cristi lerten 
Vnd von iren Mündern hörten. so 
Das ist also gehalten bliben. 
Da noch kein büch nit was geschriben. 
Noch glaubt man gemeiner cristenheit, 
Was sie von cristo lernt vnd seit, 
Biß sie nachgons angenumen hat 25 
Die ewangelisch beschribne dat, 
Die selbig lieblich, frölich mer. 
Von got gesant von himel her; 
Die hon sie an so manchem ort 
Gerincklet wol vff tusent mort, so 
Vnd zerren daruß den verstand, 
Den vnsere gemein nie hat erkant. 
Wer kan das ewangely fron 
Im grünt vff erden baß verston, 
Den die frum vnd cristlich gemein, 35 
Die weder lügt, noch trügt kein? 
Darumb wa du mir zögst ein span, 
Den wil ich an die gemein lan; 
Was mir die gemein erkent darin, 
Das sei der ewangelisch sin, 40 
Das nim ich für ein warheit an, 
Vnd wil bei irem vrteil stan. 
Die cristenheit hat nie gehuncken; 
So wil es mich nit sicher beduncken, 
Das ich weich von der cristenheit 45 
Vnd hör, was mir ein eintziger seit. 
Ich sag es noch, Habs vor auch geseit, (2436 
Mein lerer ist die cristenheit, 
Vnd laß mich kein eintzigen man 
Bringen vff ein andern plan. so 
Das ewangelium fürwar 
Ist me dan fünfftzehen hundert iar 
Gewesen bei der gantzen gemein. 
Die solchs baner tregt allein: 
Wem sie dasselb nit hat empfolhen, 55 
Der hat es wissenlich gestolen 
53. ein tapferer Streithahn. 62. Zinken-Mann. 2. 3. anvertraut. 9. geschrieben 
wäre. 13. treulos. 25. nachgehends, nachträglich. 26. Tat. 27. Märe. 30. mörderlich 
verdreht. 31. zerren einen Sinn heraus. 33. des Herrn, heilig. 37. Spannung, Streit. 
38. der Gemeinde überlassen, zur Entscheidung vorlegen. 43. unsicher gewesen.