146 
un wat sei hier un dor bi ehres Gliken 
in'n ganzen Dörpen hadden hürt; 
un dat de Schult den Knecht hadd slagen, 
un dat de Knecht den Schulten wall verklagen. 
Sei wullen sick gewiß nich slagen laten, 
sei brukten dat tau liden nich von keinen, 
sei wullen für kein Släg' nich deinen, 
ne! leiwerst würden sei Soldaten. 
Un von Soldaten keinen f up den König. 
„Je hür," seggt Late, „so en König, 
so 'n König, Krischan, is nich wenig, 
so'n König, de is schrecklich rik, 
un allens möt gescheihen glik, 
so as hei man de Hand umkihrt. 
So'n König is en grotes Dirt! 
So'n König" . . . „Na," seggt Krischan, segg mal irst, 
wat ded'st du, wenn du König wirst?" 
„As ick? Ick? Wat ick ded?" seggt Lute 
un treckt drei Paff ut fine Pip Herute 
un kek so stolz ümher, as set de Krön 
up sinen Flaßkopp all, un he up sinen Thron. 
„Dat will 'ck di seggen. Wenn ick König wir, 
ick hödd min Swin man blot tau Pird." 
„Ne, so 'ne Dummheit heww'ck meindag' nich hürt, 
wer di für klauk söfft, bei ward angeführt," 
seggt Krischan Block. „Dat nimmt mi Wunner! 
Ne, ick! Wenn ick so König wir, 
denn rost ick keinen Toback mihr, 
denn rokt ick nicks as ínter Tunner!" 
„Du büst woll ok nich klauk!" seggt Lute. . . 
Dünn kämm uns' Schultenvader achter'n Dornbusch rute, 
in fine Hand en Schacht, en rechten löhnigen: 
„Täuw, Rackertüg! täuw, ick will jug bekönigen! 
Will'n ji woll dauhn, wat jug is heiten?! 
Kik dor mal hen! De Swin sünd in den Weiten! 
Ji Rackertüg! Ji rokt mi all Toback?!" 
Un ob se noch so knendlich beden, 
rapps! rapps! teilt Schultenvader jeden 
en richtig Dutzend in de Jack. 
„Ji Snaesels! Ji willt König sin 
un latt de Swin in'n Weiten 'rin?" 
Frch Reuter.