4ÔÚπννL”νLνανÔLνν’ÔLνννÔννÚν Hans Sachs — e—e 
— e e e — — —— 
Solten wol mit mutwilling sachen 
Den Himel vns zu enge machen. 
Sanct Peter der bat aber mehr: 
Herr, laß sie herein durch dein ehr. 
der Herr sprach: Du magst lassen rein, 
Du must mit jn behangen sein, 
Schaw, wie dus wieder bringst hinauß. 
Sanct Peter war fro vberauß 
Vnd ließ die frommen Landsknecht ein. 
Bald sie in Himel kamen nein, 
Gartens herumb bey aller Welt, 
Vnd bald sie zsam brachten das Gelt, 
Knockten sie zsamen auff ein plan 
Vnd fiengen zu vmbschantzen an, 
Vnd eh ein vierteil stund vergieng, 
Ein Hader sich bey jn anfieng, 
Von wegen einer vmbeschantz, 
So wurden sie entrüstet gantz, 
Zuckten von leder sie allsamen 
Vnd hawten da mit krefften zsamen, 
Jagten einander hin vnd wider 
In dem Himel da auff vnd nider. 
Sanct Peter disen strauß vernumb, 
Kam, zand die Landsknecht an darumb, 
Sprach: Wolt jr in dem Himel palgen, 
Hebt hinauß an den liechten Galgen. 
die Landsknecht jn dückisch ansahen 
Vnd theten auff Sanct Peter schlahen, 
Das jn Sanct Peter must entlauffen, 
Zum Herrn kam mit ächtzn vñ schnaufn 
Vnd klagt jm vber die Landsknecht. 
Der Herr sprach: dir gschicht nit vnrecht, 
Hab ich dir nit gesaget heut, 
Saß sie dauß, es sind freche Leut. 
Sanet Peter sprach: O Herr, der ding 
Verstund ich nit, hilff, das ichs bring 
Hinauß, soll mir ein warnung sein, 
das ich kein Landsknecht laß herein, 
Weil sie sind so mutwillig Leuth. 
Der Herr sprach: Eim Engel gebeut, 
Das er ein Trummel nemb zuhand, 
Vnd für deß Himels pforten stand, 
Vnd einen Lerman daruor schlag. 
Sanct Peter thet nach seiner sag. 
Bald der Engel den Lerman schlug, 
Loffen die Landsknecht on verzug 
30 
35 
0 
— 
50 
b5 
60 
65 
70