XXXII. Otfrid 24 (IV, 9). 117 
25 Er iz fásto gihíaz ioh iz óuh ni firlíaz: 
thárazua er hügita ioh ál ouh so gifrümita. 
Sie tháhtun thes gifüares sid tho frámmortes: 
uuas ér ouh in ther fári, ther líut tharmít ni uuari. 
24. IX. Venit autem dies azimorum in qua necesse erat occidi pascha. 
Gistüant thera zíti guati, thaz man ópphoroti 
ioh man zi thíu gisazi, thaz lamp thes náhtes azi. 
Tho sant er Pétrusan sár, Iohánnem ouh tharmíti in uuar, 
gibót, thaz sies gizílotin, thie óstoron in gigárotin. 
Bigondun sie ántuurten: 'uuara mügun uuir unsih uuénten, 
thaz uuír zi thiu gigángen, uuir süliches bigínnen? 
Uuir ni eigun sár, theist es méist, hüses uufht, so thu uuéist, 
noh uuíht sélidono, thaz uuír iz gimachon scóno. 
"Thes ni brístit, quad er zi ín, fáret in thia burg ín: 
10 uns düat ein man gilári, líhit sinan sólari.' 
Sin fagiuuedar zílota, ioh füntun al so er ságeta: 
ther man bisüorgeta tház ioh léh thaz gádum gárauuaz. 
Iz uuas gáro zíoro gistréuuitero stüolo, 
mit réinidu ál so filu frám, so géstin sülichen gizám. 
15 Iltun sie tho hárto sár sines thionostes thar, 
thes zilotun se io thuruh nót: sie hogtun gérno, uuio er gibôt. 
So sie giríhtun allaz tház ioh er zi müase gisaz, 
gibót er, thaz sie sázin, mit imo al sáman azin. 
Uvóla thaz githígini, thaz nóz tho thaz gisídili, 
20 thia sáazi sines müases! giuuerdan móhta sie thés. 
Ni uuard io nihéin ezzan mit sülichen bisézzan, 
noh disg in álahalbon, ni si áuur mit then sélbon. 
Thár saz, mihil uuünna, thiu éuuiniga sûnna, 
ni fon imo ouh ferron einlif dégastérron: 
25 Drühtin selbo in uuára (uuaz zéllu ih thir es méra?) 
ioh thie mit fmo in nóte uuarun uuállonte. 
Sint sie üntar ménnisgon after góte füriston, 
in himilríche ouh, thaz ist uuár: thaz githionotun se thar. 
Irthionotun se härto fruma ménagfalto, 
30 thia selbun éra, thih nu quád, ioh éuuiniga drütscaf. 
Nu ist uns thiu iro gómaheit, So iz zen thürftin gigeit, 
zi gote uuégod hárto ioh thrato mánagfalto. 
Ni mügun uuir, thoh uuir uuóllen, iro lób irzellen: 
bi thiu fáhemes mit fréuuidu nu frámmort zi theru rédinu. 
. 25 iôh ouh 28 tharmit ni uuári. 24, 1 tház 9 lámp 3 sar tharmíti 6 uuir 
zi thiu biginnen 7 huses $8 uuiht uuir iz gimáchon scono 9 barg in 11 iagi- 
uuedar so 12 mán garauvaz 18 Íz zioro stuolo 14 al gestin gizam 15 harto 
thar 16 se 17 gisáz 18 imo 90 thes 99 disg si 23 sunna 24 ni imo férron 
éinlif dégasterron 25 Druhtin sélbo 26 thie imo 27 furiston 98 hímilriche 
29 harto 30 drutscaf 31 ist üns 32 harto.